Si Palui "Mamandir Tangan"

Saban malam jumahat Palui, Garbus wan Tuhirang katuju banar mandatangi urang babacaan, mandangar caramah tuan guru.Wayah bulikannya banyak tu bahan pamanderan, “Dasar bujur papadahan guru tadi, ini parlu dihayati ulih bubuhan nang sugih-sugih paya rancak-rancak membantui kaum du’afa fakir miskin, anak yatim, supaya digulungkan kaum darmawan” , ujar Garbus.

Akur akur banar, Bus ai, “ ujar Tuhirang manyahut. “Tapi di antara tangan-tangan di atas itu, ada jua nang maharap timbal balik” ,“Haw…apa artinya timbal balik itu, Rang?” takun Garbus. “Tangan di atas itu mambari ampluk duit, sembako, kaos nang sudah becap gambar.Kadang-kadang diiringi wan pluister kampangnya” ujar Tuhirang takurihing. “Umai Rang, pintarnya ikam babahasa laut.

Pluister kampangnya itu, napa?” “Artinya ialah kampangnya bisik Bus ai. Tangan atas meluncurkan bantuannya, tapi muntung babisik.Nah itu ngarannya kampanyi bisik, “ ujar Tuhirang ba-agak. “Dasar bujur ujar ikam Rang ai, bahwa buhan tangan atas itu bisa jua manyakiti buhan tangan di bawah.Tangan sidin ganal dan kuat, bisa mangacak ka gulu, bisa mancakik lihir bubuhan bawah, apabila tatangkap basah lalu kada ngaku, cuci tangan, “ ujar Palui umpat bapander.

“Tabalujur, pamarintah wayah ini ma anjurakan kita rami-rami cuci tangan. Pamarintah kita salama ini malihat banyak banar tangan-tangan kutur.Kaya apa gawian mangahasilkan kaya nang barasih, kalu tangan-tangannya kutur” , ujar Palui manggarunum. “Jadi….kaya apa kita manyikapi uluran tangan atas ke tangan bawah ini, kayapa Lui?”“Aku kada mawada, malahan mandukung papadahan tuan guru bahwa tangan di atas labih baik dari tangan di bawah.

Mudahan murni jangan tacampuri kutukan lain, “ ujar Palui manyambung pandir, “satitik nila marusak susu sabalanga, kan?”“Ia…..betul sakali Lui-ai” , ujar Tuhirang pulang. “Gara-gara susu dicampuri melamin ulahan Cina, maka ribuan kakanakan jadi kurbannya.Pihak cina kada ma akui kasalahan itu, malahan pihaknya cuci tangan.

“Ayo….bubuhan tangan atas wan tangan bawah, mari sama-sama basuh tangan, karena barasih itu adalah sebagian dari iman” , ujar Palui, diamini ulih Garbus wan Tuhirang. 

Tweet