Si Palui Angka Baik

Si Palui Angka Baik

BUBUHAN Palui bila takumpul, pasti macam-macam nang dipanderakan. Mulai sual bibinian, lalu ka sual pulitik, bubuhan silibi sampai sual main bal. "Ayu Mak kita bapander main bal," ujar Garbus mambawai Tulamak. "Aku akur banar Bus ai karna main bal adalah kasananganku,” ujar Tulamak. itu bulat ngalih ditangguh Mak ai, makanya jangan wani bataruh sambarangan, karna nang dikira manang malah tajarungkup," ujar Garbus. "Jadi kaya apa harapan ikam Bus? ujar Tulamak.

"Wayahini zaman ripurmasi, dimukrasi, siapa haja bulih bakumentar dan siapa haja bulih manang," ujar Garbus. "Asal haja manangnya itu jujur dan sapurtif, kada main sugukesugukan," ujar Tulamak. "Aku akur banar Mak ai, mudahan haja main sugukesugukan, pelicin, pelancar kaya di urang pultik itu kada marular ka pamain bal," ujar Palui nang hanyar datang umpat manyahut.  "Palui tamasuk salah tangguh jua, manjagavakan Inter Milan sakalinya keok jua," ujar Garbus.

Baca Juga:
Perpustakaan Mini Digital
Latihan Soal SKB PPPK & CPNS Bidang Perpustakaan

“Hirh, bujur ujar ikam itu Bus ai, Nang mangalahakan Inter samalam tanyata kasabalasan nang kada tarkanal. Ngarannya haja kada parnah kita dangar," ujar Palui. "Maka itu dalam hidup kita ini jangan takabur, bila ikam harat maka ada lagi nang labih harat, bila ikam Sugih maka ada lagi nang labih Sugih, bila ikam wani maka ada lagi nang labih wani," ujar Tulamak. "Jadi kalu kaya itu napa nang manarik bila manuntun main bal itu Lui'?" ujar Garbus.

“Tarus tarang haja aku himung banar wan baju-baju pamainnya, baik-baik dan baaneka ragam," ujar Palui. lu sual baju main bal itu dimana-mana sudah banyak dijual," ujar Tulamak. "Aku nang tatarik banar wan numurnumur bajunya, pamain nang baik musti dibari numur 10, cuntuhnya Maradona numur 10, Rivaldo numur 10, Zidane numur 10, Totti numur 10," ujar Palui pina lancar manyambati ngaranngaran pamain banumur sapuluh.

“0o0000.....jadi ikam tatarik dan katuju wan angka-angkanya karna angka itu ikam anggap bakaramat. Kalu sual numurnumur nang baik ada jua Lui ai, yaitu numur Roney wan numur Ronaldo, yaitu angka sambilan,” jar Garbus. Mandangar Palui wan Garbus bapander angka-angka, Tulamak nang duduk di higanya karinyumkarinyum sambil tangannya rat orit ka kartas. "Angka 10 angka 9, angka 10 angka 9 jadi satu... kosong... sambilan...” ujar Tulamak gagarunum sambil parmisi bulik. “Dasar Tulamak, kada mau jarajaranya sudah babarapa kali ditangkap pulisi karna umpat judi kupu alias kupon putih,” ujar Palui wan Garbus mangalakak mananawaakan Tulamak nang pina balenggang jalannya.

Tweet