Si Palui "Listrik Bahaupan"

Sudah sapuluh tahun barumah tangga tapi sampai wayah ini Palui masih  haja umpat badiam di wadah mintuha. Padahal anaknya sudah ampat ikung, ganal-ganal pulang. Imbah itu, rumah mintuhanya jua kada ganal banar. Padahal, di rumah itu, dua dangsanak bini Palui jua baluman balainan rumah. Akhrinya, rumah mintuha Palui nang kaya pasar baisukan atawa takumpulan.

Pas parai an bagawi atawa sama-sama kadada gawian. Wan jua ngalihnya, bila batutukar makanan atawa wadai hagin anak bini kada kawa sadikit haja.Mintuha, dangsanak, wan kamanakan harus ditukarakan jua. Jadinya, saharusnya wadai nang ditukar lima buting haja, kaputingannya tapaksa nukar 20 buting Wayah ada orang nang manawari rumah nang ujar urang nyaman. Maka salain rumahnya batunan, pambayarannya jua kawa bakaridit. 

Kabulujarannya, nang manawari itu Garbus, kawan akrab Palui. Jadi, dipikirakannya, kawa harganya sadikit balain lawan urang.Rumahnya ini, Lui ai, jelannya ada. Listrik nya disiap akan wan lidingnya jua disadiakan, ujar Garbus mambujuki Palui supaya hakun manukari.Bah, jaka aku balum baisi rumah, pasti aku umpat jua manukari. Pasilitasnya langkap, maka kawa karidit pulang, ujar Tulamak manambahi.

Barapa garang parsakutnya supaya kaya mangaridit di situ? ujar Palui manakuni Garbus. Mun hagin ikam, dikurangi pada nang lain, sajuta haja gin.Kaina kawa kupadahakan lawan pamburungnya, ikam tu kawan ku, ujar Garbus. Ayuha, tapi aku handak malihat rumah nang sudah jadi dahulu, ujar PaluiAmun kaya itu kahandak, ayu ai, ujar Garbus langsung mambawai Palui wan Tulamak ka lokasi nang dipadahakan tadi.

Pas sampai di parumahannya. Palui tanganga, napa kanyataannya kada sesuai wan nang dipadahi Garbus. Jalannya jauh wan liwat licaknya.

Listriknya sabutingan meteran, di bagi sagan 20 buah rumah. Lalu ai inya paruri wn Garbus. Tadi ku padahakan kalu, jalannya ada, listrik disiapakan wan lidingnya jua disadiakan.Sabarataan ada kalu, jawab Garbus. Hi-ih, nang seharusnya tu, jalannya mining, meteran listriknya sabuting saurng wan lidingnya jua sabuting saurng, kada bahupan kaya ini pang, “ ujar Palui manyahuti pulang.

Amun bahupan kaya itu, baik aku tatap umpat mintuha. Sama ha jua pada basamaan, ujar Palui manambahi. Bujur Lu ai, mun kaya ini, jaka aku balum baiisi rumah, pasti aku bapikir sapuluh kali manukari disini, ujar Tulamak maasai pandirannya tadi.

Bah, ikam ini, tadi handak banar manukari, kada lawas kada handak pulang. Ikam ini kada bapandiran, ujar Garbus manumpalak Tulamak.Jalannya nang kaya ini, hibak lubak wan dugul. Amun biniku batianan, bisa kaguguran kaina, ujar Palui. Hi-ih Lui ai, jangan hakun maambil disini

Ikam jua Bus ai, purun banar manawari kawan rumah nang kaya ini, ujar Tulamak mamadahi kaduanya. 

Tweet