Si Palui "Untung Ada Dauh"

 Si Palui "Untung Ada Dauh"

Salawas bulan puasa ini, Palui sapakawalan tamasuk bubuhan kaum jua. Bubuhannya rajin banar mangganii di masigit, umpat manyiapakan gasan babuka puasa puasa. Aku rajin mangganii di masigit salawas bulan puasa ini kada maharap upah, ujar Tulamak baagak wan Palui.

Siapa nang maupah Mak? Gawian di masigit ini samunyaan gawian sukarila, ihlas wan kada maharap upah kama upahnya adalah pahala, ujar Palui.

Ujar Garbus biar kada baupah kaina cagar dapat jua bagian fitrahnya, karna kita ini tamasuk gulungan dalapan, ujar Tulamak.K alu dibari alhamdulillah tapi jangan maminta karna sasuai ujar ikam tadi bahwa kita ini tamasuk kaum duafa. 

Jadi pambarian urang itu jangan dianggap upah tapi adalah sadakah, ujar Palui. Ayu ja, napa haja ngarannya tasarah, tapi nang panting ada jua nang diharapakan, ujar Tulamak mangalah.

Kita umpat babuka puasa wan kadang- kadang makan sahur di masigit ini sudah syukur banar, jadi jangan maharap upah, ujar Garbus umpat jua manyala pander.

 Nah, itu kawal kita Garbus bujur-bujur ihlas niat bagawinya karna inya sadar kalu gawian gasan kabaikan umat itu adalah pahala balasannya, ujar Palui. 

Tadi Garbus baucap bahwa kadang-kadang makan sahur di masigit, tapi aku kada biasa umpat, ujar Tulamak marasa kasal.

Pantas haja ikam kada biasa umpat makan sahur di masigit, karna gawian ikam imbah tuntung tarawih langsung barabah di higa dauh wan mangaruh kaya hadangan disumbalih, ujar Garbus mahuhulut Tulamak nang lamak.

Ikam badua ini hanya mamikirakan makanan wan upah haja kada bapikir lagi kaya apa supaya amal ibadah kita ini ditarima ulih Allah, ujar Palui.Aku syukur banar karna kawal kita si Palui ini jujur wan ihlas banar bagawi di masigit.kada mamikirakan makanan lagi.L awan bujur haja aku kada biasa umpat makan sahur wan bubuhan ikam, tapi aku tatap puasa kaya urang jua, ujar Tulamak.

Tahan hajalah balapar saharian kada makan sahur Mak? ujar Garbus.Makanan sahurku harat pada makanan bu- buhan ikam karna ada lamang, hintalu jaruk, hayam panggang wan bingka, sama wan makanan babuka puasa.

 Untung ada dauh, ujar Tulamak bakisahD i mana ikam makannya Mak, padahal kulihat ikam guring haja, lalu napa hubungannya wan untung ada dauh, ujar Garbus. Nahhh... katahuan, Tulamak pasti makan di higa dauh kama aku rancak manyimpan makananku di dalam dauh. 

Pantas haja aku kada kabagian, sakalinya ikamlah nang mambantasnya, ujar Palui manunjuk nunjuk Tulamak.

Nahhh... sakalinya katahuan jua, Paluilah mangilnya nang rancak mancuntan wadai gasan pambukaan wan manyimpannya di dalam dauh, padahal inya bapadah paalimnya kada mamantingakan makanan, ujar Garbus malawanakan Tulamak.

Tweet